Претседателот на ВМРО-ДПМНЕ, Никола Груевски во говорот на денешната Конвенција во Салата „Борис Трајковски“ истакна дека целта и визијата на партијата во енергетиката е Македонија да стане електро-енергетски независна и нето извозник на електрична енергија и ние имаме кредибилитет и знаење тоа да го исполниме.
-Развој на крупни проекти за зголемување на енергетската стабилност и диверзификација на енергетските извори, зголемување на енергетската ефикасност, намалување на техничките и комерцијалните загуби на електричната енергија и потикнување на програми за штедење на енергија. Ќе донесеме нови закони со кои новоизградените објекти ќе мора да имаат сончеви колектори, и ќе дадеме подршка на остварувањето на оваа цел, посочи Груевски.
Потенцира дека старите објекти кои трошат многу енергија со интелигентни градежни решенија може да се прилагодат на новите барања за енергетска одржливост, без притоа граѓанството премногу да се оптоварува.
