Турскиот претседател Реџеп Таип Ердоган денес изјави дека Турција ќе ги брка сите теpopистички организации кои биле користени како средства за таа да се направи заробеник, јавува Anadolu Agency (AA).
Зборувајќи на собирот на кампањата во црноморската област Кастамону, Ердоган изјави дека Турција се борела на оваа географија илјадници години.
„Од нашата земја се обидуваа да направат заробеник, некогаш во соработка со сепаратистите како ПКК, некогаш со експлоататорите како ФЕТО, а некогаш со организации како ДЕАШ. Нема да се откажеме. Ќе ги најдеме теpopистите, каде и да се кријат“, порача Ердоган.
„Ние ги бркавме и ќе продолжиме да ги бркаме во планините Џуди, Габар и Тендурек, па дури и во Кандил“, рече Ердоган.
Во врска со нападите на Турција тој изјави: „Неодамна се обидоа да го сопрат развојот на Турција со блокирање на нашиот напредок.“
„Политичари без визија и неквалификувани бирократи беа користени како алатки“, изјави Ердоган, додавајќи дека и економијата исто така била користена како оружје, употребувајќи едноставни оправдувања.
„Тие понекогаш поттикнуваа караница во турската нација со користење на поделби како десничарски, левичарски, секуларни, несекуларни, Алеви и Сунити“, рече Ердоган.
