Џони Штулиќ против Шербеџија: „Никогаш не сме биле пријатели, ниту пак му напишав песна“Објавено пред 38 минути – 12 ноември, 2018Од Макфакс
„Знаеше на полноќ да ме повика на прошетка низ Загреб. Со него најубаво се молчеше во тие прошетки низ Загреб. Имавме чудно пријателство. Го замолив да направи песна за претставата ‘Хрватски славуј’, која ја режирав во Загреб во 1989 година. Џони ја направи песната ‘Мени се душо од тебе не растаје’ за отворањето на претставата на сцената. Па сега со насловот на овие концерти му испраќам порака, како на стар пријател”, рече Раде Шербеџија за РТС, најавувајќи го својот концерт во Белград и објаснувајќи зошто концертот беше именувана по една песна од Бранимир Џони Штулиќ.
Но, оваа изјава не му се допадна на поранешниот фронтмен на „Азра“, кој на дамнешното пријателство очигледно заборавил, па тој испрати демант во кој се оградува од сите изјави на Шербеџија за нивните дружења.
„Шербеџија лаже мрачно. Џони никогаш не го повика на прошетка низ градот, ниту му направи песна, ниту пак некогаш биле пријатели, сосем обратно, тој него во една пригода, по своја желба, го возеше со својот мерцедес за да биде со него, меѓутоа го искористи тој повик за полесно да ја отуѓи песната и да ја вметне во својата претстава без прашање, се разбира за да го сокрие тоа, тој потоа ја снимил, а сега веќе со тие одвратни лаги ја оправдува и причината на самото негово постоење.“
