Врховниот суд на Европската унија денеска и наложи на Полска да плаќа казна од еден милион евра дневно бидејќи не го суспендираше дисциплинскиот совет на Врховниот суд.
Одлуката на Европскиот суд на правдата дојде откако Европската комисија побара финансиски казни за да се обезбеди усогласеност со пресудата од јули.
Судот соопшти дека казната е неопходна за да се избегне сериозна и непоправлива штета на правниот поредок на Европската унија и на вредностите на кои се заснова таа Унија, а особено на правната држава.
Европската комисија, која ја следи усогласеноста со европските закони, сакаше судот со седиште во Луксембург да и одреди дневна парична казна на Полска додека не го подобри функционирањето на полскиот Врховен суд и не ги суспендира новите закони, кои, според Брисел, ја поткопуваат независноста на судството.
