Водната желка Роки е стара меѓу 25 и 30 години, која ја изгубила десната предна перка во несреќа со брод. Во оваа несреќа бил оштетен и оклопот.
Цели 20 години Роки пливал во водата, но не можел да нурне подлабоко или да ги прави сите движења кои се карактеристични за водните желки. Но, благодарение на простетиката, Роки конечно може нормално да плива.
Со помош на вештачки лигамент, протезата е прикачена во делот каде сè уште постоеле сочувани нерви од природната моторика на желката. Целиот процес се покажал како успешен, па Роки сега плива нормално.
Простетичарот Кевин Карол ја направил оваа интервенција целосно бесплатно, иако вообичаено би чинела 6.000 долари.
Тој бил воодушевен што Роки веднаш успеал да воспостави контрола врз вештачката перка како да е природна. Според него многу е важно да се заштитат сите видови водни и морски желки, бидејќи се во опасност од ловење поради месото, кожата и оклопите. Негативно врз нив влијае и промената на климата.
Роки бил спасен во 2001 година и оттогаш се пушта да плива само во контролирани услови и секогаш со надзор. Како дел од терапијата, секој ден плива со вештачката перка барем по еден час.
Карол останува на својот став дека сите животни заслужуваат да бидат спасени и да им се даде шанса да живеат нормален живот дури и по страшна повреда.
