Ова е видео материјал на кој се слуша и гледа како меѓу луѓето собрани вчера на Мечкин камен има дел кои ја извикуваат придавката „Северна“ навивачки. Но ова видео за ПР тимот на владата е „сpaмна вест во која дел од медиумите лaaжеле дека некои луѓе скандирале „Северна“„, пренесува Алфа.
-Тоа е лaaжна, фејк, тажна продукција од нивните подрумски центри за манипулација. Тоа доаѓа од оние кои не можат да се помират дека во нашата земја доминира и победува концептот на заедништвото. Денес во Крушево ечеше од зборовите Илинден, македонски, Македонија, заедно, иднина. Тие што беа на Мечкин Камен знаат дека денес граѓаните заедно ја пееја “Денес над Македонија се раѓа…”. Денес се скандираше за иднината, за Републиката, за химната, за македонскиот јазик. Во Крушево ечеше паролата “Сите сме деца на Илинден“, напиша владиниот ПР советник на Заев, Марјан Забрчанец на една од социјалните мрежи.
Другиот дел од новинарските екипи потврдуваат дека, го слушнале скандирањето меѓу кои и екипата на „Алфа“, но не успеале да го снимат оти траело кус период а во моментот снимателите ги местеле камерите. Но, и покрај сето ова, за Забрчанец се е лaaга. Неговата констатација стои уште на социјалната мрежа, но не и еден коментар, од извесен член на СДСМ кој прв се произнел по напишаниот статус, во кој самиот член признава дека извикувањето „Северна“ не е лaaжна вест:
-Не е лажна вест, и јас бев меѓу тие кои скандираа Северна, Северна и тоа беше заради тоа што група од 20 луѓе од Дијаспората скандираа „Никогаш северна…“, коментира Владимир Христовски на статусот на Забрчанец.
Но признанието на Христовски беше експресно избришaaно, ама не и статусот на Забрчанец. Во продолжение на коментарите оставени се оние во кои се вели дека оние што извикувале „Никогаш северна само Македонија“ биле испратени од опозицијата, оти носеле симболи на ВМРО. Што, пак, претставува своевидно признание дека коментарот на Забрчанец не е точен.
-ВМРО е симбол на Илинденското востание, да не било ВМРО немало да дојде до Илинден, немало да се случи таа 1903, таа Крушевска република. Не знам што може да биде пpoвокаторско од знамиња кои што го симболизираат Илинден 1903-та? Скандирањето (на „Северна…“) кое што вчера се случи на Мечкин камен беше сpaмно, пooнижувачки за празнувањето на Илинден. Но понижувачки и срамно беа делови од говорот и на Мечкин камен, но и од Вилата Водно, рече Наум Стоилковски, портпарол на ВМРО ДПМНЕ.
На 24 јули премиерот презентираше план за борба против лажните вести. Рече оти Акциска група ќе ги анализира и следи нападите од лaaжни вести. Но прашањето е кој ќе ги лooви „фејк њуз“ кога лично владата ги сервира?
