- Advertisement -
- Advertisement -
Граѓаните од Бардовци утре повторни излегуваат на протест против изградбата на Прифатен центар за странци во непосредна близина на нивните домови.
По последниот протест, испратени се писма до Претседателот на Владата на Република Македонија, до сите пратеници од актуелниот пратенички состав, до градоначалникот на Карпош, со кого бараме средба во четврток и до сите советници во општината Карпош. Деновиве писма ќе добијат и дипломатскиот кор во нашата држава, ОБСЕ и канцеларијата на ЕУ.
„Ние остануваме доследни на нашето единствено барање стопирање на изградбата на овој Центар“, се вели во соопштението на граѓаните на Бардовци.
Протестот ќе се одржи утре (25.08) со почеток во 16 до 18 часот на крстосницата кај Хубо маркетот.
