Лидерот на опозицијата Христијан Мицкоски смета дека зад оставките во партијата, поточно повлекувањето на претседателката на УЖ и претседателот на партискиот подмладок, постои еден центар за моќ, со кој, тој лично го затворил пријателството
„Навистина не можам да го споделам со вас тоа чувство дека врие од внатре, ви дадов еден пример – двајца, две индивидуи кои што водеа структури во партијата УМС и УЖ си заминаа, структурата на УМС и УЖ остана, се именуваа вршители на должност, набргу ќе биде објавен конкурс, набргу ќе биде изгласано новото раководство во рамките на тие две структури, така што животот си продолжува понатаму – политиките продолжуваат понатаму, се разбира јас колку што ги прочитав нивните оставки тие не рекоа дека заминуваат од партијата, напротив дека остануваат во партијата туку, во овој момент имаат сопствени аргументи зошто одлучиле на еден ваков чекор. И, јас можам да кажам дека во математиката велиме – заеднички делител или именител има во целиот овој случај, претпоставувам од тој центар доаѓа мотивот и за едниот и за другиот чинител кои што се одлучија на овој настан.“ – вели Мицкоски.
