Премиерот Зоран Заев денеска во Кривичниот суд сведочеше за настаните од 27-ми април во Собранието.
Тој во своето сведочење истакна дека како никогаш дотогаш стравувал дека ќе го загуби животот. Премиерот во судницата се соочи со обвинетиот Илија Петрушевски, обвинет за кривично дело насилство што се случило на 27 април 2017.
– Имав страв дека ќе ми заврши животот. Чувство кое никогаш дотогаш не сум го имал. Се слушаше, „убијте го Заев, убијте ги пратениците, скини му ја главата“. Не тепаа со тврди предмети, со тупаници и клоци. Имавме расекотини, рани, модрици по цело тело, особено по екстремитетите – рече Заев.
Обвинетиот Петрушевски рече дека не чувствува вина и дека воопшто не го удрил и не го допрел Заев во Собранието, критичната вечер и дека таму бил само присутен.
