Сепаратистичката политика која ја води ДУИ, БЕСА и Зијадин Села поддржана од надворешниот фактор, а промоирана од СДСМ и Зоран Заев доби нова димензија во максималистичките барања, формирани врз основа на Тиранската платформа, која во целост ја прифати Заев
Освен тоа што во вчерашната „Топ Тема“ Груби отворено истакна дека платформата во целост е прифатена од СДСМ, бидејќи нивната понуда по однос на барањата за федерализација и двојазичност биле и повеќе од тоа што со Тиранската платформа било понудено, Груби додаде и дека тие всушност не сакале и „само“ федерализација.
“… Сакаме Македонија да биде цела, ЈА САКАМЕ ЦЕЛА МАКЕДОНИЈА…” – изјави портпаролот на Али Ахмети, Артан Груби, притоа додавајќи дека командантите од УЧК како Талат Џафери сеуште се заложени за истата идеја како во 2001-та година, кога како терористи оперираа во Македонија.
Според Груби, Македонија е под „команда“ на командантите од УЧК, а барањата од платформата би требало да ги смират тензиите кои останале по конфликтот пред 16 години, уште еднаш заканувајќи се дека тие се спремни за предизвикување на нов конфликт ако не биде формирана Тиранска влада.
