Силниот старт на кампањата на ВМРО-ДПМНЕ и коалицијата „За подобра Македонија“, наспроти очајниот обид за собир на СДСМ во Прилеп на кој учествуваа помалку од 4.000 административци од Куманово и Струмица и неколку стотици кои искористиле слободен превоз да го видат прекрасниот Прилеп, предизвика паника во редовите на СДСМ
ВМРО-ДПМНЕ својата кампања ја започна со спектакуларен централен митинг традиционално од Охрид, каде што според првичните проценки имало повеќе од 40.000 присутни, кои направија вистинска победничка еуфорија.
Наспроти ова, СДСМ во Прилеп се обиде со црна кампања, празни обвинувања и паушални ветувања да ја „крене“ инертната маса која беше пристигната само за да не им скрати Циц од платата.
Меѓу говорниците на митингот на ВМРО-ДПМНЕ беше и лидерот на Сојузот на Роми на Македонија, Амди Бајрам кој најави дека сите оние кои го прекршиле законот и направиле предавство на националните интереси треба да се соочат со лицето на правдата.
Ова беше доволен повод испаничените ботови во центарот за лаги на СДСМ да почнат со намерно манипулирање и спинување на информацијата.
Во обидот за ПР беше вклучен и еден од најлојалните соработници на Зоран Заев, криминалецот Закир Бекири – Чауш од кој Заев побарал помош гледајќи ја очајноста и исклучително слабиот старт на кампањата.
Чаушот, кој важи за врска помеѓу радикалните исламисти од Косово и СДСМ, човек кој имаше фабрика за фалсификување на лажни документи, фалсификувани пари, кај себе држеше голема количина на оружје и панцири, скокна во одбрана на Заев, заканувајќи му се на Амди Бајрам.
Ова не е прв пат криминалците на Заев да го спасуваат од катастрофалната инертност и незаинтересираност на граѓаните за кампањата на СДСМ.
Претходно и Хаџибулиќ застана во првите линии на одбрана, заканувајќи им се на членовите, функционерите и новинарите на СДСМ кои ги критикуваа кандидатските листи составени од Заев, дека ако не престанат со критиките тој ќе им пресудел.
