Продолжува листата на лица со полициски досиеа, кои добиваат високи функции во владата. Покрај српските мешетари во ликот на Обрадовиќ и Башановиќ, за кои српските медиуми пишуваа дека се дел од српското подземје, со клептомански навики, на листата советници на Зоран Заев се најде и Филип Андов – Сокол
Филип Андов – Сокол, беше назначен за специјален советник на Зоран Заев задолжен за градот Скопје, потег кој многумина го сметаат за обид да се заштити криминалот кој се случува во главниот град на Македонија.
Андов во јавноста е познат по тоа што пред неколку години со својот џип влета во група граѓани кои протестираа пред седиштето на СДС на Бихаќка, но и дел од насилниците кои го вандализираа Скопје за време на организираните протести од страна на СДС против преименувањето на улиците.
Освен тоа што е познат по насилството, Андов е познат и по сопствеништвото на неколку кафе барови во Скопје и една дискотека.
Братот на Филип Андов, Јоцо Андов пред 5 години пак одговараше за обид за убиство, направен во времето на Бучковски и Шеќеринска, кога како телохранител на Владимир Бучковски на конвенцијата на СДСМ во Куманово со нож го избоде тогашниот директор на охридски Комуналец.
Во јавноста се шпекулира дека Филип Андов ќе биде задолжен кампањата на Владимир Темелковски, инаку син на Зоре Темелковски на претстојните локални избори.
