-Почитувани присутни, Зоран Заев и тие околу него треба да знаат дека си играат со трпението на трпелив човек. Си играат со гневот на трпелив човек. Овој народ покажа трпеливост, но доколку некој сака да му ја украде победата, таа трпеливост многу лесно ќе премине во гнев – изјави Влатко Ѓорчев на прес конференција
Зоран Заев не одлучува кој ќе ја составува владата, одлучува народот кој јасно ја даде поддршката на ВМРО-ДПМНЕ, а ја потврди и ДИК и сите меѓународни институции меѓу кои и ЕУ, САД, Русија, како и Јоханес Хан и Федерика Могерини.
– Зоран Заев излезе пред еден час и се закани, продолжува да се заканува. Нека води сметка дека се закнува на 453.000 граѓани на Р.Македонија. Граѓаните на Р.Македонија се народот. Народот гласаше, народот нема намера, нема намера да му дозволи на Зоран Заев со грст луѓе и грст соработници и помошници околу него да ја украде демократски изразената воља на граѓаните на Македонија. – додаде Ѓорчев.
