Очигледно е дека СДСМ води гол ПР, а еврокомесарот за соседска политика и преговори за проширување, Јоханес Хан се очекува да присуствува единствено еден час на владината седница. За еден час не е можен голем напредок, туку само пролистување на реформите. Наместо тоа, СДСМ од самото ова прави спектакли.
Хан во Скопје најпрво ќе се сретне со премиерот Зоран Заев и претставници на владата, а потоа ќе присуствува на седницата на Влада посветена на итните реформски приоритети за евро-атлантските интеграции.
Во изјава дадена пред неговото доаѓање во Македонија, Хан посочи дека доаѓа за да даде поттик на спроведувањето на реформите.
За еден час, колку што Хан ќе присуствува на владината седница не може да се направи никаков напредок, туку реформите само ќе се пролистаат, а од тоа ќе се прави медиумски спектакл.
Заев и Хан по завршувањето на седницата ќе одржат заедничка прес-конференција.
