Земјоделци на откупниот пункт Колешино, струмичко се жалат на слабиот откуп и ниските цени за лубеницата која деновиве се движела од 2,5 до 3 денари по килограм. Денеска земјоделските производители го изразуваат незадоволството од ниските цени за откуп. Ново во развојот на овој проблем е што земјоделците побараа посебна комисија од Владата и министерството за земјоделие која би ги утврдила штетите што настанале поради слабиот откуп на земјоделските производи. Тоа што дополнително револтира се претпоставките за ограничен откуп и како што се зборува фаворизирање при откупот од страна на откупувачите. Прашање што јавноста си го поставува е дали зелената мафија во југоисточниот регион работи според теркот од 90тите или можеби станува збор за акутен проблем.
Револтираните земјоделци денеска пред камерите го изразуваат својот револт со демонстративно кршење на лубеници и фрлање на производите.
Според земјоделците, ситуацијата е загрижувачка и под итно мора да се преземе нешто. Со вакви проблеми се соочуваат и откупните центри во другите региони.
