Закани по животот пристигнале во приватни пораки на социјалните мрежи на профилот на членот на извршниот комитет на ВМРО-ДПМНЕ Орце Ѓорѓиевски, откако тој одржа неколку прес конференции во име на партијата по повод силеџиското „изгласување“ на законот за јазици
„Изминативе неколку дена до мене освен многуте охрабрувања и поддршка, стигнаа и неколку заканувачки пораки од другарчиња албанци поради моите прес конференции. Во суштина ова е класичен кукавички чин, затоа што инбоксот не е место каде разговараат сериозни луѓе. Видете вака “почитувани”, агресивни човечиња: во мојата идеја за заштита на Македонија ова е нешто што најмалку можам да сторам, и не само сега, секогаш кога мојата земја ќе се соочи со проблем јас ќе бидам напред во нејзина одбрана ! И ве замолуваме не арчете закани, затоа што единственото нешто од кое Орце Ѓорѓиевски се плаши е Господ Бог.
Да живее Македонија !!!“ – напиша Ѓорѓиевски на неговиот ФБ профил.