По она што го гледаме досега од страна на владата е многу загрижувачки и не можам да бидам сигурен дека изборите ќе бидат фер, вели претседателот на ВМРО-ДПМНЕ Никола Груевски во Дневникот на Сител, а во врска со Кодексот за фер и демократски избори кој денес го потпишаа кандидатите за гардоначалници за локалните избори.
-На наш кандидат да му вперија оружје и да го третира како терорист, наводно имале дојава дека во возилото ќе се превезуваат терористи. Имале наредба и да го легнат на земја и да го врзат, но уведеле дека станува збор за грешка, односно дека ситуацијата не е таква. Очигледна е намерата да се заплашуваат нашите кандидати и ја ставаат полицијата во партиска служба. Нивните заплашувања нема да имаат ефект, вели Груевски.
Лидерот на ВМРО-ДПМНЕ посочува дека СДСМ бараат начин да ги дисквалификуваат кандидатите за градоначалници на ВМРО-ДПМНЕ со измислени работи и поднесувања на кривични пријави, бидејќи како што рече, биле свесни дека убедливо губат во најголемиот дел од општините.
