Турската полиција заплени четири непроценливи антички книги напишани на сириски и арамејски, вклучувајќи и една во која што е опишан животот на Исус Христос.
Полициските тимови во операција против криумчарење извршија операција во југозападниот дел на Денизли по добивањето на разузнавачки информации дека шверцерите планираат да ги продадат старите книги.
Книгите се напишани на папирус, со кожени корици и се смета дека се стари повеќе од 1.000 години, а биле донесени од Блискиот Исток.
Полицијата ги притвори осомничените идентификувани со иницијали како EУ, AT, E.С. и O.С., кои се обидувале да ги продадат книгите.
Во своето сведочење, осомничените, кои беа уапсени и испратени во затвор, тврделе дека ги нашле книгите во ѓубре.
Професорот по археологија Фахрие Бајрам од Универзитетот Памуккале ја потврди автентичноста на книгите, велејќи дека тие биле користени од страна на кралското семејство.
Таа истакна дека книгите можеби биле шверцувани од музеите во Сирија, истакнувајќи дека немало запис за нив.
Професорот рече дека некои делови од книгите се пресечени, што може да значи дека биле отстранети инвентарните броеви на музејот од кој биле украдени.
Таа понатаму истакна дека многу артефакти напишани на арамејски биле украдени од Сирија за време на војната и прошверцувани во разни земји, вклучувајќи ја и Турција.
Некои страници од една од книгите вклучувале слики што го прикажуваат животот на Исус Христос, вклучувајќи го периодот од неговото раѓање до неговата смрт.
Другата книга се однесувала на хороскопски знаци, како и двоглав орел, и што се случува со душата по смртта.
Експертите истакнаа дека ќе биде потребно детално испитување на книгите за да се утврди содржината и точниот период кога тие биле напишани.
Турција дели долга граница со Сирија и забележа огромен проток на бегалци кои бегаат од земја уништена од граѓанската војна која влегува во својата шеста година во март. Турција тврди дека граничната безбедност и царинските службеници се обучени за справување со прекуграничните шверц операции. Царинските службеници, трговците со уметнички дела и колектори, исто така, добија итна листа на можни артефакти што може да се шверцуваат во земјата.
