И покрај фактот што годинава поради пандемијата се откажа најголемиот светски авио салон Ле Бурже во Париз, тоа не беше пречка туку напротив, тоа стана потстрек на останатите авио салони и изложби во светот да ги засилат своите ангажмани и мерки за истите да се оддржат во најдобар ред, без при тоа да претставуваат нови жаришта на ковид-19.
Најголемото воздухопловно – вселенско шоу во Азија, Аеро Индија 2021 ќе се одржи во градот Бангалор на 3-6 февруари, во авиобазата „Јелаханка“.
Според најавите односот кон авиосалонот е како да не постои пандемија. Впрочем секој пазар на оружје не признава пандемија во светот. Сите авиоконцерни и произведувачи на воена техника од целиот свет ќе се појават со свои штандови и со по некој примерок кој ќе учествува во авио шоуто во кое се изведуваат воздушни акробации и демонстрација на способности.
Руската државна корпорација Ростек ќе има над 200 вооружени системи на саемот за воздухопловство Аеро Индија 2021 што ќе се одржи во индискиот град Бангалор на 3-5 февруари, изјави за ТАСС директорот за меѓународна соработка и регионална политика на Ростек, Виктор Кладов.
“Генерално, ќе покажеме над 200 воени експонати. Ѕвездата на изложбата е тука, и ќе го демонстрираме серискиот ловец наменет за извоз Су-57Е (ловец од петта генерација) – кој го донесовме во Индија и тоа е авионот што дава идеја за овој уникатен ловец кој е најмоќен во светот. Ќе ги покажеме и нашите други бестселери : Су-35, МиГ-35Д, воен транспортен авион Ил-76МД-90А (Е) и танкер за воздушно полнење гориво Ил-78МК-90А “, рече Кладов.
„Ростек“ исто така ќе има лесен повеќенаменски хеликоптер Ка-226Т на саемот за воздухопловство „Аеро Индија 2021“, рече тој. „Ова е идеално возило за локални климатски и физички географски услови. Уверен сум дека другите наши хеликоптери, како што се Ми-28НЕ, Ми-171С и Ми-17В-5, извиднички и напаѓачки оружја Ка-52 и хеликоптерот за радарски надзор Ка-31 исто така ќе го привлече вниманието “, рече Кладов.
Оваа година во Бангалор ќе се појават многу најнови системи на Русија: авиони, комплекси за противвоздушна одбрана, оклопи и муниција.
