Трговците и граѓаните се подготвени за претстојниот „Викенд без ДДВ“. Првите уште пред една недела ги најавија своите акции и ги наполнија магацините и рафтовите. Дел од граѓаните велат дека ќе ја искористат оваа можност да купат нешто што навистина им треба, иако износот е лимитирaн.
Извесно е дека компјутерите и лаптопите се први на списокот, но се меркаат и некои поевтини парчиња мебел и домашна бела техника.
„Викенд без ДДВ“ е дел од четвртиот сет антиkpизни мерки и ќе опфати околу 350 илјади корисници на апликацијата „Мој ДДВ“. Ќе се купуваат домашни производи и услуги, компјутери и друга ИКТ-опрема, во вредност од најмногу 30 илјади денари, а во рок од неколку денови на трансакциските сметки ќе биде исплатен назад целиот ДДВ.