Министерот за внатрешни работи, Оливер Спасовски продолжува со својата кампања во пресрет за локалните избори низ цела Македонија. Вчера кандидатот за Градоначалник на Бутел предложен од СДСМ, истовремено и сопруг на началничката за кадровски прашања во МВР, заедно со Оливер Спасовски беа на терен во лов на гласови во Кучевишка Бара.
Прирачникот за полициски службеници, кој што има за цел да ја едуцира полицијата за нивните овластувања и ограничувања за време на локалните избори, е донесен од страна на министерот Оливер Спасовски.
Во овој прирачник, во член 168 , став 1 стои : – Работник во Министерството не смее да основа, да раководи, да ја застапува или претставува политичката партија и да биде член на органите на партијата утврдени со нејзиниот статут.
Ова претставува грубо кршење на овој член, од прирачникот, а Министерот злоупотребувајќи ја својата службена положба и овластување, ја претставува СДСМ заедно со кандидатот за градоначалник на Бутел, предложен од СДСМ, Велимир Смилевски.
