- Advertisement -
- Advertisement -
Избирачките места во Грција за Европскиот парламент и регионалната и локалната власт беа затворени во 7 часот.
Започнува броењето на гласовите кое се очекува да заврши некаде околу полноќ.
Според спроведените анкети се очекува побeда на конзервативната „Нова демократија“ со освоени 32-36% од гласовите, со што би обезбедила 8 или девет пратенички места во Европскиот парламент.
Владеачката „Сириза“ се очекува да освои помеѓу 25 и 29% од гласовите, односно 6 или 7 места.
Анкетата вели дека сојузот на движењето „Движење за промени“ од централно-левичарската партија ќе добие меѓу 7 и 9 отсто, или две до три места, додека „Златна зора“ помеѓу 5-7 проценти, односно едно или две места.
