Кандидатот на ВМРО-ДПМНЕ за претседател на Северна Македонија воопшто не е профил за консензуален претседател, рече денеска премиерот Зоран Заев, пренесе ТВ21.
– Веднаш ќе кажам не е прифатлива. Таа е надвор од секој можен концепт. Не даде во ниту еден сегмент поддршка на тоа што цел свет поддржува и огромно мнозинство на граѓани. Македонија направи голем чекор напред, отидовме во исполнување на нашите историс аспирации. Ние денеска сме земја каде што секоја недела се ратификува протоколот за НАТО, ние сме земја која што е преговарач со ЕУ. Таа е надвор од актуелниот концепт на живот, надеж и живеење на огромно мнозинство од граѓаните. – изјави Зев по денешната средба со Али Ахмети.
Силјановска во саботата по изборот за кандидат за претседател на ВМРО-ДПМНЕ изјави дека е подготвена да биде и заеднички кандидат доколку нејзиниот профил одговара на СДСМ.
