Борис Дамовски и Богдан Илиевски од граѓанската иницијатива „За заедничка Македонија“ во вечерашното гостувањето во емисијата „Јади Бурек“ на Јанко Илковски истакнаа дека сакаат утре да остварат кратка средба со високата претставничка за надворешна и безбедносна политика на Европската унија, Федерика Могерини во рамки на нејзината утрешна посета на Македонија.
-Би сакале да се сретнеме со Могерини, ова е сериозно барање. Ја молиме високата претставничка да помине пет минути со нас. За суштествен разговор. Се работи за нејзината кариера и нашиот народ. Во најмала рака собравме повеќе луѓе на трите собири отколку партиите на Стојанче Ангелов, Павле Трајанов, на ДОМ. Сакаме да ја слушнеме што има да каже, тоа што ќе им го каже на средбата со НВО, нека ни го каже и на нас. И ние сме деца на Македонија. Во спротивно ќе го сметаме за дикриминација, велат Дамовски и Илиевски.
