Со предлагање на околу 15.500 амандмани ДУИ во 2012 година го блокираше Собранието и го одложуваше носењето на Законот на посебните права на припадниците на безбедносните сили.
Пратениците од ДУИ, кои сега обвинуваат за некаква опструкција на Собранието од страна на пратениците од ВМРО-ДПМНЕ кои само го користат правото за дискусија загарантирано со Деловникот и со Закон, очигледно брзо заборавија како ДУИ и конректно Талат Џафери го парализираа Собранието со илјадници амандмани во 2012 година кога Џафери се обидуваше да си го искаже својот револт во Собранието- молчејќи.
Како координитор на пратеничката група на ДУИ во 2012 година, Џафери најави дека партијата ќе го блокира законот за бранители со 15 520 амандмани.
-Како и во редовната постапка, ќе ја искористиме секоја институционална можност да го спречиме донесувањето на законот, изјави тогаш Џафери.
Тој приредувaше вистинско шоу во Комисијата за труд и социјална политика кога со молчење го спречуваше донесувањето на Законот за бранителите. Џафери за време на одржувањето на седница на Комисијата читаше поезија, а тогашната претседателка на Комисијата, Цветанка Иванова, го бранеше дека на тоа има право.
Џафери дури и ги предупредуваше пратениците дека доколку го прекинат неговото молчење, ќе побара збор и повторно ќе молчи.