March 29, 2024, 12:10 am

ЗА ПРВПАТ БЛАГОДЕТНИОТ ОГАН ОД ЕРУСАЛИМ ВО МАКЕДОНИЈА: Епископот Јаков ќе го донесе благодетниот оган во Македонија

Поврзано

- Advertisement -
- Advertisement -

За првпат МПЦ-Охридска архиепископија ќе го донесе благодетниот оган од Ерусалим во земјава за Велигден .

Ако досега благодатниот оган беше носен или позајмуван, земан од другите цркви преку посредништвото на Бигорскиот манастир и архимандритот Партениј, годинава епископот стобиски Јаков, викарниот епископ од Струмичката епархија ќе го преземе оганот и ќе го донесе како благослов за православниот народ и за православната црква во Република Македонија.

Благодатниот оган што секоја Велја Сабота веќе два милениума чудесно се појавува на гробот на Исус Христос, утревечер од Ерусалим преку Софија се очекува да пристигне на Меѓународниот аеродром Скопје, информираат за МИА од Македонската православна црква – Охридска архиепископија.

– Годинава содејството и љубовта би рекол на БПЦ и МПЦ ќе се удостои со тоа нејзин епископ да учествува во овој благодатен и чудотворен чин и да го преземе лично благодатниот оган. Ако досега благодатниот оган беше носен или позајмуван, земан од другите цркви преку посредништвото на Бигорскиот манастир и архимандритот Партениј, годинава епископот стобиски Јаков, викарниот епископ од Струмичката епархија ќе го преземе оганот и ќе го донесе како благослов за православниот народ и за православната црква во Република Македонија, изјави за МИА, отец Бобан Митевски од Кабинетот на архиепископот.

Посочи дека на скопскиот аеродром епископот стобиски Јаков со благодатниот оган ќе биде пречен од неговото блаженство архиепископот охридски и македонски г.г. Стефан и од претставници на другите епархии низ државава, а потоа ќе биде разнесен по храмовите во Скопје и по другите епархии.

– Благодатниот оган е феномен односно чудо што се случува секоја година на Велигден, што самиот се спушта би рекол на еден чудотворен начин во гробот Христов и повторно на еден чудотворен начин се запалуваат свеќите на православниот патријарх кој пребива на молитва во самиот гроб. Потоа тој ги изнесува свеќите и од тие свеќи сите верници или сите претставници, делегати на православните цркви кои стојат во самиот храм пред самиот гроб ги палат своите свеќи или кандилата и ги носат потоа во своите земји, додаде отец Митевски.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This