Во неговата училница на ѕидовите има слики и цитати од Гоце Делчев, но и од Боб Марли, Стив Џобс, Брус Ли…
Не му е тешко со учениците да излезе на пpoтecти и да пpeдупреди на опacностa од климатските промени, а ги учи да ги штeдат водата и енергијата. Овој нeтипичен скопски наставник едвај чека да му помине распустот за да биде со своите ученици, а секој понеделник му е песна. Вели дека многупати тој учи од нив и за тоа им е благодарен.
Да, Македонија има и вакви наставници, кои професијата не ја земаат здраво за готово. Ивица Трајковски предава Историја и Граѓанско општество во центарските училишта „Димитар Миладинов“ и „11 Октомври“, а е единствениот што активно со своите ученици се вклучи во глобалната иницијатива Fridays For Future.
Моето одделение рециклира пластика, собираме и капачиња, а мислам дека имаме доволно за изработка на една инвалидска количка (акцијата „Едно капаче, една надеж +“). Драстично ја намаливме сметката за вода во училиштето преку едноставна усна информација да внимаваме со нашите „непресушни“ чешми.