На 27-ми април можеше да биде поинаку ако имаше разум кај пратениците на СДСМ, ДУИ и сите оние кои го поддржаа тој насилнички гест кога господинот Талат Џафери беше избран за таканаречен претседател на Собранието. Доколку постоеше и малку елементарна различност за она што тие го направија, тогаш немаше да дојде до ова и можеше да се избегне тоа што се следуваше, истакна лидерот на ВМРО-ДПМНЕ, Христијан Мицкоски во гостувањето на МРТ.
-Целата вина во тој момент и целиот револт кој беше предизвикан кај народот беше предизвикан поради оној недемократски, насилнички чин за избор на претседател на Собрание на Република Македонија, рече Мицкоски.
Во партијата, рече Мицкоски, се водат дебати и за нивните следни чекори, јавноста наскоро ќе биде информирана.
Во моментов се претворени лица кои се навистина невини. Обвинети се за дело кое што ја става Македонија како држава со најголем број на терористи во притвор после пост-воена Сирија, што за мене како човек претставува еден загрижувачки момент бидејќи тоа се луѓе кои се професионалци, родољубиви патриоти кои што се држат во притвор.
Ова го истакна лидерот на ВМРО-ДПМНЕ за време на гостувањето на МРТ каде одговара на прашањата на повеќе новинари.
Тој истакна дека едно од можните сценарија за во иднина е да се подготви закон за амнестија и тој закон да го поднесат во Собранието.
-За можните идни сценарија, деновиве што идат многу брзо ќе биде јавноста запознаена како ќе функционираме ние како пратеничка група, но и како партија. Мора многу внимателно, да одите чекор по чекор и да ги антиципирате сите. Вие може да влезете во една ситуација кога не ќе можете да одите назад или ќе донесете една одлука која што можеби на среден или долг рок ќе се протолкува дека била погрешна. Затоа е многу важно, суштински е важно да ги антиципирате сите можни ризици пред да донесете одлука како претседател на партија кој се уште ги нема формирано партиските тела, без да има формирано ИК, без да има формирано совети, мора да антиципирате сериозни сценарија и ризици кои ги следат тие сценарија. Внимателно одиме, газиме чекор по чекор, ги анализираме сите можни и потенцијални сценарија, ризици за тие сценарија, така што многу брзо јавноста ќе биде сведок за она што е идна политика на ВМРО-ДПМНЕ и чекори кои ВМРО-ДПМНЕ ќе ги превземе, истакна Мицкоски.
