Несреќната анкета која ја објави телевизија Телма веднаш по објавувањето на рејтинзите од реномираната светска агенција за истражување на јавното мислење „Брима Галуп“, освен тоа што само ја докажува теоријата на „гладна кокошка просо сонува“ докажува и дека се повеќе Македонци се откажуваат од СДСМ
Според анкетата која треба да послужи како ПР акција на „стратезите“ од Телма, СДСМ било само 4.8% позади ВМРО-ДПМНЕ. Информација која во зачетокот е демантирана од страна на реномираната „Брима Галуп“ која пренесува дека разликата помеѓу ВМРО-ДПМНЕ и СДСМ е речиси 20%.
Но, за да не му го расипеме „меракот“ на радикалниот исламист Мухамед Зекри кој на својот ФБ профил се пофали со неверојатната предност на СДСМ пред ДУИ во албанскиот електорат со само 0.1% разлика, ќе му признаеме дека СДСМ сега е во трка со албанските партии, бидејќи дури и според анкетата на Телма, Заев забрзано ја губи поддршката кај македонскиот електорат.
Согласно анкетата на Брима Галуп, која во ниту еден случај не може да се спореди со аматеризмот на Телма, ВМРО-ДПМНЕ има предност од неверојатни 15% пред СДСМ во македонскиот табор.
Разликата помеѓу Груевски и Заев пак, повторно во делот на македонските гласови се движи во рамки од 16%, додека во албанскиот гласачки блок разликата помеѓу Заев и Груевски е 9%, што значи дека Груевски и во двата блока држи значителна разлика пред Заев. Исто како и во мерењето на рејтингот на партиите, ВМРО-ДПМНЕ е со 11% пред СДСМ во албанскиот дел од гласачкото тело.
Крајниот заклучок е дека, како и Ѓорѓи Спасов така и телевизија Телма „сонуваат просо“ а на крајот го оставаат Мухамед Зекири и тие како него гладни. Ниту СДСМ има предност кај албанците, уште помалку кај македонците. Едноставно, нема поддршка.
