Европските санкции против Русија не вродија со плод, со Москва е неопходно да се градат нормални и прагматични односи, изјавил премиерот на Бугарија Бојко Борисов, откако пред две години беше главна пречка за изградбата на гасоводот „Јужен Тек“ кој Газпром го пренасочи да поминува низ Македонија
„Претходните години имав исклучително компликувани односи со руските власти, но прагматизмот наложува со Москва да се градат нормални односи“, рекол Борисов.
Според неговите зборови, кога станува збор за односите со Русија, сите се вртат околу нафтата и гасот, имајќи во предвид дека на тоа поле постојат големи измени. Борисов исто така потсетил дека Бугарија го одбила проектот за изградба на гасоводот „Јужен тек“, за неколку години подоцна истиот да биде претворен во „Турски тек“, со кој гасот ќе биде транспортиран од Русија, преку Турција и Грција, до Италија.
„Тогаш се почувствуваме изневерени, но молчевме. Активно работевме на изградба на гасен хаб во Буварија. Меѓутоа, миниатата недела Европската комисија нам ни даде дозвола да преговараме околу увозот на руски гас, поради што се свртивме кон прагматизам, за да не бидеме во огромен губиток“, додава тој.
Борисов исто така вели дека односите со Русија се такви какви што бара ЕУ, а последиците од тоа највеќе ја чувствува самата Европа.
Македонија беше дел од проектот „Јужен тек“ со кој земјата ќе обезбедеше енергетска стабилност и економски раст. По дестабилизацијата на земјата, Русија мораше да пронајде алтернативна рута за изградба на гасоводната делница, на која Бугарија сега бара да се приклучи. Оттука станува и јасно, која била целта и намерата на Бугарија, давајќи му помош на Зоран Заев во насилното превземање на власта во државата.
