Претседателот на СДСМ, Зоран Заев отишол дотаму што во албанските села се декларирал како Албанец и им порачал на албанските гласачи дека ако сакаат албански премиер, тогаш тој ќе биде тоа.
Најголемата македонска опозициска партија, СДСМ, преку анкетата направена по нарачка на опозициската телевизија Телма и испрати порака на ДУИ дека Бихаќка е новиот центар на Албанците, а не Мала Речица. Според анкетата на Телма, водечка партија во албанскиот политички блок станува СДСМ.
-Овој тренд е во пораст кај Албанците, така што доколку утре има избори, најголем дел, или 20,4 отсто би гласале за СДСМ, што е повеќе од било која друга партија од албанскиот блок. За ДУИ се изјасниле 14 отсто, за БЕСА 15, за ДПА 10 и за Алијансата 6 проценти од албанските гласачи, покажуваат резултатите од анкетата на Телма.
Албанскиот аналитичар Сефер Тахири, во синоќешното издание на „Топ Тема“ изјави дека според кажувањата на негов пријател, Заев отишол во едно албанско село и се декларирал како Албанец, односно им порачал на жителите дека ако сакале Албанец за премиер, тогаш тој ќе биде тоа.
-Се обидувам низ пример кој што ми го кажуваше еден пријател, вели дека Заев отишол во едно албанско село и им рекол сакате албански премиер, тие рекле да… ЈАС СУМ ТОЈ, Зоран Заев…, рече Тахири.
