Д-р Нико Беќаровски од Клиниката за токсикологија одговара на прашањето што му го поставиле многумина прележани од ковид-19: „Дали може по контакт со заболен, прележаните со формиран имунитет, да го пренесуваат вирусот?“.
Почитувани мои, создадениот имунитет Ве заштитува Вас при нов контакт со Sars-Cov-2 вирусите Вашиот организам да се избори со вирусот, ама не претставува влезна рампа на Вашиот нос. Со други зборови, ако влезете во соба преполна со вируси и престојувате таму подолго време, Вие со дишењето ќе внесете голема количина од вирусот во Вашиот нос и ако потоа веднаш излезете и се дружите со некој кој не прележал ќе може да го заразите.
ТОКМУ ЗАТОА и по прележувањето можете да бидете трансмитер, иако Вие нема да заболите.
Затоа, со цел да ја заштите Вашата околина се препорачува придржување кон мерките за социјална дистанца и по прележувањето на болеста, одговара тој
