Пратеникот Илија Димовски во гостувањето во „Само вистина“ на Канал 5 телевизија говореше и за локалните избори кои треба да се одржат на 15 октомври оваа година. Тој кажа дека не е важен толку бројот на освоени градоначалнички места, бидејќи можно е ВМРО-ДПМНЕ да победи секаде со по 50 гласа разлика, најважен е бројот на гласови, кој може да биде репер за парламентарни избори.
-Ако СДСМ не успее да добие глас повеќе од ВМРО-ДПМНЕ на локалните избори, во пракса како и секаде во Европа и светот, директно го губи легитимитетот доколку понатаму продолжи да биде владеачка партија. Ако СДСМ не успее да добие глас повеќе, самите не треба никаков притисок, треба самите да поднесат оставка и да побараат предвремени избори. Доколку не го направат тоа, пак ќе дојдеме во една фаза каде сите ќе се чувствуваме дека влегуваме во неприродна ситуација, изјави Димовски.
Тој кажа дека очекува победа на ВМРО-ДПМНЕ, бидејќи во моменти на ваква дебата, граѓаните сфатиле според неговите зборови како стојат и какви се работите.
