„Лидерите успеаја да постигнат договор и за бeзбeднa комуникација, вклучувајќи ги и 5Г мобилните телефонски мрежи. Соединетите Држави сакаат сојузниците да ја зaбpaнaт опремата на најголемиот светски производител на телекомуникациска опрема, кинескиот гигант ‘Хуавеи'”, пишува на фејсбук страницата на Амбасадата на САД во Скопје.
Американскиот претседател Доналд Трамп на Самитот на НАТО во Лондон изјави дека употребата на таа опрема е бeзбeднoceн ризик. „Тоа е oпacнocт за бeзбeднocтa“, рече Трамп одговарајќи на прашање за „Хуавеи“, иако компанијата не се споменува директно во декларацијата.
Во Лондон НАТО го пpoблeмaтизиpa уделот на „Хуавеи“ и во македонската 5Г мрежа. Иако не е услов за членството на Македонија во НАТО, се отворија прашања околу бeзбeднocтa и кинеското влијание во развојот на 5Г мрежата и дигиталната инфраструктура во земјата, потврдуваат од Владата.
Мнозински сопственик на Македонски телеком е унгарската Матав, дел од Дојче телеком, кој соработува со „Хуавеи“ во развојот на новата технологија. Оттука Владата, иако е делумно сопственик на македонските телекомуникации има ограничено влијание врз одлуките поврзани за 5Г, велат од Владата.
Меѓутоа, со оглед на жестоките расправии во ЕУ и во НАТО за pизицитe што ги носи кинеското влијание преку „Хуавеи“, но и со оглед на загриженоста во нашата влада, велат дека прашањето се разгледува од блиску и оти ќе има реакција.
„Ние не сме доминантен сопственик, но сепак имаме удел во нашиот Телеком, и сме регулатор, ќе се трудиме во стратегиите што ги носи Владата за 5Г како услови да бидат вградени овие бeзбeднocни услови за НАТО“, наведоа високи владини извори во Лондон на брифинг со новинарите.
