Податоците на Институтот за јавно здравје (ИЈЗ) во периодот од 20 до 26 септември покажуваат дека регистрирани се 32 реинфекции со Ковид-19, што е намалување од 12,5% во однос на претходната недела.
Од почетокот на пандемијата досега тој број е 555.
Во статистиката на ИЈЗ има податок и за пациент кој трет пат се заразил со корона.
Како што наведува ИЈЗ, за едно лице да биде евидентирано како оздравено, треба да има два последователни негативни ПЦР теста.
Во текот на истиот период, пријавени се 108 починати лица. Највисок морталитет е забележан во Прилеп и Охрид.