По прославата на 30 годишнината на навивачката група „Шверцери“ во Македонскиот народен театар, интерес за изнајмување на МНТ пројави и друга навивачка група:
„…Ние за 8-ми Декември имаме најавено прослава на неколку јубилеи (20 години Лојал Фанс, 10 години Братство Комити & Војводи, 5 години Комити Маџари), па би сакале да прашаме јавно, како може да ја изнајмиме истата просторија за прослава на Јубилеите“ – објави на Фејсбук групата „Комити Скопје.
„Иако театарот е сега под привремена управа на окупаторот и го нема предзнакот Македонски, сепак за нас има емотивна и историска вредност и ќе внимаваме на ентериерот и се она што е внатре и претставува македонска историја, култура и уметност како да се наши, во нашиот дом“ се вели во објавата споделена на ФБ.
