Македонскиот Претседател нема намера да попушти под притисокот и да го додели мандатот за формирање на тиранска влада. Добро упатени извори велат дека до него како да не допираат повиците на меѓународниот фактор и единствено на што тој се потпира се граѓаните на Македонија чиј став е јасен, не за платформи на туѓи држави.
Во последните неколку дена, речи си и да немаше странски дипломат кој не излезе со став за случувањата во Македонија и кој не побара од Претседателот да ја промени одлуката.
Но Иванов, на сите им го соопштуваше истиот став, а тоа е дека негова работа е да го штити Уставот и унитарноста на државата и дека нема намера да се откаже од тоа.
Иванов на дипломатите им повторуваше дека платформата треба да биде отфрлена и осудена бидејќи ја доведува Република Македонија во состојба на потчинетост кон други држави.
Иванов дури испрати и писмо да најмоќните светски лидери и првите луѓе на Советот на Европа и НАТО, во кое побара платформата на Еди Рама да биде осудена и отфрлена.
Огромна поддршка, Претседателот секојдневно добива и од стотици илјади граѓани кои протестираат на улиците. Во Скопје, народната канцеларија на Претседателот беше повторно отворена откако хулиганите на Шарената Револуција ја демолираа минатата година. Граѓаните својата поддршка ја изразија закитувајќи ја со цвеќиња и македонски знамиња.
