Израелската армија (ИД) денеска изврши низа напади врз Хамас во Појасот Газа, во кои беа уништени централната банка, седиштето на внатрешната безбедност, како и куќата на највисокиот командант на Хамас.
Според Танјуг, ИД потврдила дека ги уништила зградите на централната банка на Хамас и седиштето за внатрешно обезбедување, а една од целите на нападот била куќата на Ијад Теаб, висок командант кој надгледувал неколку баталјони во војската крило на Хамас, пишува Џерусалим пост.
Куќата користена за терористички цели, наводно, била уништена во нападот.
Во средата, Израел ја нападна највисоката воена команда на Хамас, а за време на заедничката акција спроведена од армијата и Израелската агенција за безбедност, високи членови на Генералштабот на Хамас, кои се сметаат за блиски соработници на началникот на военото крило на групата Мохамед Деиф, беа убиени.
