По рестораните, концертит и спортските сали, Израел сега ги отвора јавните плажи.
Во Тел Авив од утре се отвораат плажите, на кои наводно ќе може да дојдат невакцинирани лица.
Секоја година плажите во градот привлекуваат повеќе од осум милиони луѓе. Годинава се очекува да има уште повеќе, со оглед на фактот дека повеќето Израелци ќе останат во земјата.
Оваа година ќе продолжи проектот „Библиотека на плажа“, така што ќе може да се позајмуваат книги бесплатно на три плажи.
Според корисниците на социјалните мрежи што живеат во Тел Авив, изнајмувањето чадор или столче ќе чини половина евро за жителите на Тел Авив, а цената за гостите на градот ќе биде 2 евра.
Израелските власти објавија дека речиси 4,5 милиони луѓе биле целосно вакцинирани, а позитивноста на тестовите е под два процента благодарение на агресивната кампања за вакцинација.
Министерството за здравство на Израел денес објави дека повеќе од пет милиони луѓе примиле барем една доза вакцина и дека позитивноста на тестовите е 1,9 процент и дека нагло паѓа од јануари, кога била десет проценти, известуваат агенциите.
Бројот на сериозни случаи на Ковид-19 е помалку од 600, а во јануари достигна врв на 1.237. Од почетокот на пандемијата повеќе од 820.000 луѓе биле заразени во Израел, а над 6.000 починале.
