Извештајот од Меѓународниот институт за истражување на мирот во Стокхолм (СИПРИ), вели дека Индија зазема место помеѓу највисоко рангираните увозници оружје и покрај напорите за промовирање на локалните индустрии во категоријата производство на одбранбена опрема.
Поради зголемувањето на тензиите со соседите и континуираното потпирање на увезената одбранбена опрема, Индија им се придружи на САД и Кина и стана една од петте најголеми набавувачи на оружје во светот, објави Меѓународниот институт за истражување на мирот во Стокхолм (СИПРИ) во извештајот објавен во средата. Од СИПРИ велат дека во 2017 година, трошоците за одбраната на Индија се зголемиле за 5,5 отсто на 63,9 милијарди долари, буџет кој сега е поголем од оној на Франција.
“Тензиите помеѓу Кина и нејзините соседи продолжуваат да го зголемуваат растот на воените трошоци во Азија”, вели Симон Визман, во соопштението СИПРИ.
Воените трошоци низ целиот свет се зголеми на 1,73 милијарди долари, или околу 2,2 проценти од глобалниот бруто-домашен производ, со маргинално зголемување од 1,1 отсто во реални услови од 2016 година. На листата на најголеми светски воени потрошувачи доминираат САД и Кина, кои трошат 610 долари милијарди и 228 милијарди долари годишно.
“Високиот раст на светски воени трошоци е причина за сериозна загриженост”, се вели во извештајот на СИПРИ.Според амбасадорот Јан Елиасон, претседател на Управниот одбор на СИПРИ, “Тоа ја поткопува потрагата по мирни решенија за конфликти низ целиот свет’’.
И покрај фактот што Њу Делхи продолжува да троши повеќе на војската, неодамнешниот прием од страна на воениот претставник пред собраниската комисија укажува на тоа дека поголемиот дел од фондот за трошење на одбраната оди на човечки ресурси и многу помал дел за модернизација на силите.
“Во армијата од вкупниот буџет, 63 отсто од буџетот оди во исплата на платите, нормалните услови за одржување и оперативни трошоци изнесуваат до 20 отсто, а инфраструктурата околу три отсто.” Модернизацијата добива само 14 отсто, што е крајно несоодветно ” вели Генерал-потполковник Сарит Чан .
