Тоа беше уште една лежерна вечер на прелистување на социјалните мрежи за 16-годишната Набила Аз-Захра, средношколка од регионот Гова, Јужен Сулавеси – барем додека не започна да прима чудни коментари и директни пораки од други корисници на Твитер.
Сите ѝ покажувале и ја усмерувале кон низа твитови напишани од друг корисник чијашто слика на профилот изгледала како на Набила.
Лaжни твитер-профили, наречени сомови во интернетскиот говор, постојат уште од раѓањето на социјалните медиуми. Набила првично го oтфpли профилот како тpoл што се обидува да се вози на капутот на нејзината личност на Твитер.
Таа не можела ниту да претпостави дека нејзиниот живот ќе се преврти наопаку.
„На 7 јануари, ги проверив директните пораки (DM) на Инстаграм и пронајдов порака од профил што му припаѓа на некој по име Надја“, напиша Набила за нејзиното откритие.
Таа ме праша: „Зар не мислиш дека изгледаме слично?“ Во тој момент ѝ предложив дека е најдобро да имаме видео повик за да не губиме време.“
На платформа преполна со фабрикувани идентитети, првиот инстинкт на Набила беше да биде претпазлива во врска со онлајн-средбата со непозната личност.
Меѓутоа, лицeтo што го видела на видеоповикот ја фатило сосема неспремна за големо откритие. Надја изгледала исто како неа.
„Си поставувавме лични прашања како на пример за нашата тежина, висина, омилена боја и омилен пијалок. Нашите одговори беа слични 90 проценти!“ напиша Набила.
„И потоа, прашање за милион долари.“
„Надја ме праша: Што ако ние сме всушност близначки? а јас ѝ реков дека ќе бидам навистина среќна, тоа ќе биде како остварување на сон. Ја разгледав можноста и решив да ја прашам мајка ми за тоа”, рече таа.
Родителите на Набила, Рамли и Јохра, ѝ објасниле дека таа е посвоена и дека е родена заедно со други два близнака сестри и браќа, од кои едната била Надја.
Нејзините родители биле во тeшки финансиски околности кога се раѓале тројките и сметале дека е подобро да ги дадат Набила и нејзините двајца браќа и сестри на посвојување.
