На почетокот на натпреварот помеѓу Англија и Хрватска, кој се одигра на стадионот „Вембли“ навивач паднал од трибините и со тешки повреди бил пренесен во болница, потврди за англиските медиуми портпаролот на лондонскиот стадион.
Можеме да потврдиме дека гледачот падна од трибините веднаш по почетниот удар на натпреварот помеѓу Англија и Хрватска на стадионот Вембли. На гледачот му била укажана лекарска помош на лице место, а потоа бил пренесен во болница во сериозна состојба, изјавил портпаролот на Вембли, кој додал дека во истрагата на случајот ќе се вклучи и УЕФА.
Засега не се открива идентитетот на навивачот.
Очевидци сведочат за потресната случка.
Видовме како неговите нозе ја преминуваат преградата, а тој падна и удри на земјата, изјави еден англиски навивач за локалните медиуми.
Натпреварот помеѓу Англија и Хрватска на стадионот Вембли го следеа 22.500 гледачи, претежно домашни. Англија ја победи Хрватска со 1-0.
