„Дежурни инспектори, вчеравечер, по пријава на граѓани интервенираа на сузбивање на оган на отворено во Злокуќани (позади објектот на Тинекс) во дива населба.
На лице место беа затекнати малолетни лица кои запалиле смет во напуштени објекти. Дежурните инспектори извршија едукативни активности и разговор со родител. Контролите против палењето огнови на отворено периодов ќе продолжат да се реализираат со зголемен интензитет. Изминативе денови, зачестена е појавата на намерно запалени огнови на отворено. Дежурните градски тимови досега интервенираа на огнови на отворено во неколку наврати на Вардариште, Маџари и Горно Лисиче.
Градот Скопје апелира граѓаните штом забележат оган на отворено, да не чекаат туку веднаш да го пријават на 193, за да може огнот што побрзо да се изгаси, а сторителите да се санкционираат.“, се вели во соопштението од Град Скопје.
