Да ве воведеме во ситуацијата – имате уште 5 минути додека да излезете од дома, кога сфаќате дека маицата која планиравте да ја носите ви е толку истуткана, што нема шанса да ја облечете, ниту да стигнете да ја испеглате без да задоцните.
За да не се нервирате неколку минути пред излегување, во иднина имајте ги на ум овие алтернативи за пеглање без пегла:
Пегла за коса – одлична за исправување на ситните делови како јаки или мали набори.
Вода и оцет – Измешајте вода и оцет со размер 3:1 и промешајте. Сега имате спреј со кој треба само да ја пропрскате кошулата и да ја закачите да се исуши.
Пареа од стариот чајник – Загрејте вода додека не зоврие, а потоа држејќи го чајникот на 20-тина сантиметри над парчето облека, искористете ја моќта на пареата.
Фен за коса – Само вклучете на највисока температура.
Пареа од бањата – Ставете ја маицата или кошулата на закачалка и оставете ја во бањата додека се туширате со жешка вода. Почекајте неколку минути.
Мокра крпа – Ставете ја облеката на рамна површина и покријте ја со влажна крпа. Стиснете најсилно што можете и оставете да се исуши.
Дното на тенџерето – Зовријте вода во едно тенџере и со жешкото дно поминете го парчето облека баш како со пегла.
