За неверојатни 40% се зголемил процентот на тендери на кој се појавувале само еден или ниту еден понудувач, вели истражувањето на Радио МОФ, што пак е индикација дека станува збор за т.н. „местени“ тендерски постапки
Освен тендери на кои се јавиле само еден, или ниту еден понудувач, во овие две години се зголемил и бројот на нетранспарентни компании, кои ги кријат јавните набавки од јавноста, но ги кријат и приходите кои си ги делат членовите на управните и надзорните одбори.
Просечното ниво на транспарентност и отчетност на претпријатијата во државна сопственост, односно исполнувањето на законските обврски и добрите стандарди, изнесува само 28% од можни 100%, е еден од клучните на наоди на новото истражувањето што го објави Центарот за граѓански комуникации.
Истражувањето покажува дека ниту едно од 30-те најголеми претпријатија во државна сопственост, чии вкупни годишни приходи надминуваат 700 милиони евра, нема високо или солидно ниво на транспарентност (исполнување на обврските над 60%).
„Исполнети се услови за разрешување на 18 директори на јавни претпријатија, од кои 6 основани од Владата, а 12 од локалните власти, поради необјавување извештаи од работењето. Претпријатијата основани од Владата имаат просечно ниво на транспарентност од 31%, а претпријатијата основани од општините 27%. На врвот на ранг-листата со највисоко ниво на исполнување на обврските, и тоа од само 52%, е ЈП за државни патишта, а на дното со 0% се наоѓа АД Градски трговски центар“, се дел од клучните наоди во истражувањето.
Целото истражување можете да го прочитате, тука:
