Нова демократија прва, СИРИЗА втора, Движење на промена трета е резултатот од објавените излезни анкети, односно проценките за изборниот резултат од агенциите за рејтинг во Грција, во соработка со грчките телевизии, јави МИА од Атина, повикувајќи се на излезните анкети што ги објавија заеднички приватните телевизии и државната ЕРТ во соработка со неколкѕ агенци.
Според овие излезни анкети, резултатот е:
Нова демократија 38-42%
СИРИЗА 26,5-30,5%
Движење на промена 6-8%
Комунистичка партија на Грција 5-7%
МЕРА25 3-5%
Грчко решение 2,5-4,5 %
Златна зора 2,8-4,8%
Во однос на распоредот на пратеничките места, проценките на агенциите, според 80% од обработени резултати од излезните анкети, се дека Нова демократија добива доволен број пратеници за еднопартиска влада. Поконткретно:
Нова демократија 155-167 пратеници
СИРИЗА 77-80 пратеници
Движење на промена 19-22 пратеници
Комунистичка партија на Грција 16-19 пратеници
Грчко решение 0-13 пратеници
Златна зора 0-13 пратеници МЕРА25 8-14 пратеници
Сепак, станува збор за проценки на агенциите за рејтинг, а не за официјални резултати.
Првите официјални резултати од Министерството за внатрешни работи на Грција, кое што е и надлежно за пребројување на гласовите, се очекуваат околу 21 часот по грчко време.
