Четворица италијански граѓани и двајца косовски државјани со патничкиот авион „пајпер“ денеска од Тревизо тргнале на пат за Приштина. На скопскиот аеродром авионот бил пријавен за полнење на гориво, а 4 минути пред слетувањето се изгубил од радарите.
Авионот беше најден во пламен во близина на селото Кожле.
Неофицијално, спасувачките екипи досега пронашле остатоци од едно јагленосано тело. Пронајдени биле и други предмети од паднатиот авион. Спасувачките екипи се на терен, а полицијата не дозволува пристап до местото на падот на авионот.