- Advertisement -
- Advertisement -
Поминаа и три натпревари, а Италија се уште не го видела дебитантскиот гол на Кристијано Роналдо за Јувентус.
Португалецот се обидува на секој начин да го прекине постот, упати 23 удари кон противничките голмани, но не успеа да затресе мрежа по 270 одиграни минути како првотимец за „старата дама“.
И очекувано, италијанската јавност започна со критиките на негова сметка, па дури му даде и нов прекар. Познатиот КР7, сега стана КР5,5, алудирајќи на оценката која ја добива ѕвездата за своите настапи во дресот на екипата од Торино.
За разлика од него, Карим Бензема и Герет Бејл постигнуваат по еден гол на натпревар, што значи дека Реал Мадрид засега добро со снаоѓа без својата прва ѕвезда.
