Светскиот Македонски Конгрес (СМК) најостро ја осудува изјавата на британскиот амбасадор Чарлс Гарет во интервјуто за телевизија ТЕЛМА, дека “решението за спорот со името е централно безбедносно прашање за целиот регион, и за западните земји заедно со Велика Британија”, со очекување Македонија и Грција да направат компромис.
СМК и натаму смета дека Македонија е гаранција за траен мир на Балканот. Но, промената на името на државата и идентитетот на нацијата ќе ги повампири апетитите од Балканските војни 1912-1913 година и ќе биде повод за дестабилизација на Европа!
СМК повторува дека изјавата на Чарлс Гарет за промена на името на државата и идентитетот на нацијата претставува континуирано грубо мешање во внатрешните работи на Македонија и поради тоа бара да биде прогласен за персона нон грата и протеран од Македонија!
СМК го потсетува Чарлс Гарет дека промената на името на државата не е политичка храброст, туку претставува флагрантно кршење на меѓународното право и на Уставот, најтешко кривично дело велепредавство, геноцид врз Македонскиот народ и злосторство против човештвото што не застарува!
