И ЕУ ИГРА ПО НОТИТЕ НА САД: Европскиот парламент го призна Гуаидо за претседател на Венецуела

- Advertisement -

Европскиот парламент усвои резолуција со која го признава Хуан Гуаидо како легитимен привремен претседател на Венецуела, јави дописничката на МИА од Брисел.

Резолуцијата е поднесена од страна на Европската народна партија (ЕПП) и со неа се повикуваат земјите членки на ЕУ и другите институции на Унијата да го сторат истото, сѐ додека не се одржат фер и транспарентни избори во Венецуела.

– Од Европа можеме да помогнеме да се смени режимот во Венецуела, оние кои протестираат во Венецуела не се Европејци, но се борат за истите вредности за кои и ние се бориме, рече потпретседателот на ЕПП, Естебан Гонзалес Понс.

Европскиот парламент со ова станува првата ЕУ институција која го признава Гуаидо како легитимен претседател.